News

11000volt – Man doodgeskok aan diens

VEREENIGING. – ‘n 50jarige man wat vir die Emfuleni Munisipaliteit kontrakwerk doen, is vanoggend doodgeskok in die “Cherry Picker” toe hulle ‘n transformator wou vervang op die Falcon Ridge kleinhoewes. Die lyn van 11Kv was op onverklaarbare rede aan gewees. Die saak word tans deur die polisie, munisipaliteit en die kontrakteursfirma vir wie die man gewerk het, ondersoek. Die man het reeds bykans 10 jaar vir die firma gewerk. LEES MEER IN VAALWEEKBLAD WOENSDAG 26 JULIE. Foto: Jannie du Plessis

Verkeer vloei probleem – R59 R42

‘n Trok staan dwars oor die pad op die R59 R42 oorbrug rigting Johannesburg vanaf Sasolburg se kant. Motoriste word aangeraai om versigtig te bestuur. Verkeerspersoneel op die toneel.

Opdatering: Ma en kinders nou veilig onder dak

JANNIE DU PLESSIS vir VAALWEEKBLAD in VANDERBIJLPARK. Ons dank aan almal wat so vinnig gereageer het om die vrou en haar kinders te help. Binne drie ure is hul kampplek opgeruim en is daar verblyf vir hulle gereël. Hulle is reeds besig met onderhoude vir werk. Dankie aan CSF en Nightwatch wat die ma, kinders en drie hondekinders gaan haal het. Dankie aan Ursela wat bereid was om die gesin tydelik te huisves. Enige iemand wat steeds bydraes wil lewer kontak Leana by die Community Support Forum – 072 329 7263.

Kom ons help die vrou en twee kinders langs die rivier

VANDERBIJLPARK. – ‘n Enkel ma saam met haar 19 jarige dogter en 13 jarige seun bly alreeds twee weke langs die rivier in ‘n tent die snerpende koue skuins oorkant Stonehaven on Vaal. ‘n Noodroep het vanoggend uitgegaan om die ma en haar kinders te help met blyplek, kos klere en noodsaaklikhede. Haar man het haar gelos en hulle het vir ‘n ruk by die familie gebly. ENIGE IEMAND WAT KAN HELP KONTAK LEANA BY 072 329 7263.

Botsing teen boom

Noodhelikopter vervoer insittende na hospitaal vir verdere gespesialiseerde behandeling

Man kritiek beseer na vragmotor-ongeluk

SASOLBURG. – Verkeer op die R59, buite Sasolburg, rigting Parys, was gister vir etlike ure ontwrig na twee vragmotors met mekaar gebots het.

Raaisel van verkoolde lyke: steeds geen antwoorde

VEREENIGING. – Na ‘n webplasing verlede week op vaalweekblad.com dat twee erg verkoolde lyke by Spider Valley buite Vereeniging gevind is asook die verdwyning van ‘n Afrikaansprekende egpaar van Risiville, het verskeie gerugte versprei wat tot dusver net bespiegelings is.

Pasgebore baba in asblik gevind

‘n Pasgebore baba is gister lewendig in ‘n asblik in Olievenhoutbosch, naby Pretoria gevind.

Vragmotor bars deur V’ging skool se muur

VEREENIGING. – Die bestuurder van ‘n vragmotor het ligte beserings opgedoen toe die bestuurder vermoedelik beheer verloor en deur ‘n skool se muur gery het.

Carletonville HeraldParys GazettePotchefstroom HeraldSedibeng Ster
Top