Bruid van die Jaar 2017

Bruid van die Jaar 2017

SPRANKELBRUIDE VAN 2017 MOET INSKRYF

 

Soos die tye verander, het ons dit goed gedink om ons Bruid van die Jaar kompetisie ook aan te pas.

 

Ons funksie gaan in die vorm van ‘n ontbyt wees, aan die oewer van die Vaalrivier.

 

Bruide moet let op die volgende :

 

  • Die bruidsjaar strek vanaf Januarie tot Desember.
  • Gedurende hierdie tyd sal al die deelnemers se foto’s op Vaalweekblad se webblad gepubliseer word.
  • Bruide moet die inskrywingsvorm voltooi en onderteken wat aan hulle per e-pos gestuur sal word.
  • Onderhoude sal met bruide gevoer word en daar sal steeds 2 finaliste per maand gekies word wat in die Vaalweekblad gepubliseer sal word.
  • Daar sal nie ‘n stemproses wees nie.
  • Bruide moet in die Vaaldriehoek woonagtig wees.
  • Geen korrespondensie sal na afloop van onderhoude en kompetisie gewissel word nie.
  • Die beoordelaars se beslissing is finaal.

 

Bruide kan hulle foto’s nou vir ons instuur.  Foto’s sal weekliks opgedateer word.  Stuur ‘n e-pos aan Penelope van Vuuren by pvanvuur@media24.com.  Wanneer jou foto ontvang word, sal die inskrywingsvorm aan jou gestuur word.

Inligting wat ons saam met die foto (jpg-formaat) moet ontvang is die bruid en bruidegom se naam en van, datum van hul troue en ‘n kontaknommer vir die bruid.

Suzaan Kruger – “marriage is like a rose without love and care it can’t grow”.  Ons siening is dat ‘n man en vrou moet nooit opgee op mekaar nie en ‘n huwelik is beslis nie maklik nie maar die dag wanneer mens op hulle herdenkings terugkyk kan hulle sê, ons het dit gemaak want ons het dit saam gedoen soos ‘n span.

Nastasia Malan – is op 18 Maart getroud.

Ons Waardes:

Goeie Kommunikasie

Eerlikheid

Getrouheid

Ek en my man Pierre ken mekaar al 12 jaar, het op skool uitgegaan maar toe het elkeen ons eie pad gegaan. Ons het nooit kontak verloor nie en 3 jaar gelede het ons paaie weer gekruis.

Marikkie Taylor – My en Heinrich se waardes en wat ons huwelik spesiaal maak is sonder twyfel dat ons JESUS eerste sit want dan groei ons in mekaar ook. Ons deel ALLES daar is niks wat ons geheim hou nie, ons praat eerder voordat ons wegsteek. Ons is mekaar se beste maatjie en doen graag spesiale goed vir mekaar.

Ons is in die 7de hemel as ons saam in die kar vêr pad ry en kan gesels en saam sing en ons lag elke dag vir mekaar aangesien ons albei lekker uitspatting en simpel kan wees. En drukkies en soentjies is vir ons spesiaal…

Liandi Vorster – vertel wat hul huwelik spesiaal maak.

  • Ons is geluk vir mekaar se harte en kos vir mekaar se siel.
  • Ons groei saam, maar bly ook tog die mense waarop ons verlief geraak het.
  • Ons lag saam in tye van geluk en vou mekaar toe in tye van hartseer.
  • Ons deel dieselfde drome en tel elkedag ons seëninge.
  • Ons bied mekaar ons volle liefde – in woede ook.
  • Ons ondersteun mekaar en respekteer mekaar.
  • Ons bied mekaar rustigheid en dra mekaar op ons hande.
  • Maar die heel belangrikste – ONS IS MEKAAR SE BESTE VRIENDE

Jeantelle en Raynhardt Claassen is op 21 Maart 2017 in Vereeniging getroud.

Carolien van Heerden – Ek dink wat ons huwelik spesiaal maak is dat ons mekaar respekteer, ondersteun en nie net lewensmaats vir mekaar is nie, nie net man en vrou nie, ons is ook beste vriende, sielsgenote. Ons doen alles saam, ons hardloop week na week… wedloop na wedloop saam. Tree vir tree, dag vir dag is ons daar vir mekaar.

Bianca Boshoff – What makes our relationship special is that we both finally found true love after so many years.

We base our relationship on love and respect and our key trademark is team work.  Working together as a team in all aspects of life and always staying on the same page through communication works wonders for us. It erases the misunderstandings and assumptions that are bound to be the little fight causes.

Wanri Smit Ihlenfeldt – se huwelikswaardes is :

Respekteer mekaar.   Aanvaar mekaar al verskil ons soms.  Staan saam.

Gee mekaar beweeg ruimte.

Belangrikse……. Ons is 3 wat aan hierdie huwelik werk.  Ons 2 is nooit alleen nie.

MOTTO:  AANHOU EN UITHOU!!

“Love never fails”

Twanette Koutandos – Ons waardes is om mekaar te respekteer in alle opsigte, ons vertrou mekaar en is aanvaar mekaar se foute al is dit nie altyd so maklik, eerlikikheid is vir my baie belangrik, ons gun en ondersteun mekaar in als wat ons doen.

 

Ons ‘motto’ is om net gelukkig te wees en ons drome saam te kan uit leef en bou.

Shune Celliers – Ons trou dag was ‘n sprokiesbruilof, al my drome van kleins af is in daardie dag vasgevang. Dit was by vere die beste, mooiste dag in ons lewens.
Ons waardes as ‘n pasgetroude paartjies is defnitief om daar te wees vir mekaar in alle omstandigehede in vandag se lewenswyse. God is ons BRON in ons Huwelik. Ons mylpaal is ons saam te werk en nie teen mekaar te werk nie om mekaar elk dag op te bou en nie aftebreuk nie. Dit is nie altyd maklike nie maar ons herinner ons daagliks daaraan dat ons n span is en nie die eie ek meer nie.
Wat ons huwelik vir my so spesiaal is ek het met my beste maatjie getrou het.

Nicole en Eugene Kidson is op 31 Maart 2017 in die huwelik bevestig.

Monique de Wet – ‘n Sprokie verg natuurlik ‘’die ridder op sy wit perd’’… en dit is presies wie my Man vir my is! Ons waardeer die klein dinge in die lewe, die beste huwelik is immers nie gebasseer op groot goed nie, maar die alledaagse klein dingetjies soos Geloof, Hoop , Liefde &  respek vir mekaar!
Dit is wat die lewe saam met jou sielsgenoot die moeite werd maak…Deur die tyd en die moeite in te sit wat vereis word as mens enige iets van waarde wil bereik.  Dit is juis hierdie waardes wat ons huwelik so spesiaal maak.

Monic en Chris Langenhoven is op 8 Januarie 2017 Getroud op Rivier Plaas in Meyerton.

Michelle van Vuuren – as jy wil hê iets moet verewig hou, dat troetel jy dit met spesiale sorg, jy beskut en beskerm dit, jy verwaardloos of mishandel dit nooit, jy maak dit nie gewoon of ordinêr nie.  As dit sy glans verloor en begin verdof, dan poleer jy dit dat dit weer sprankel soos nuut.  Dan word dit spesiaal omdat jy dit so gemaak het en dit groei mooier as vantevore en word kosbaar soos die tyd aanstap.

Maryna en Christo Botha is op 25 Maart 2017 getroud.

Maryke Mitchell deel haar huwelikswaardes :

  • Vir My en Donovan is die grootste waarde die instelling van die huwelik volgens God se wet.
  • Geloof, Hoop en Liefde
  • Wedersydse respek
  • Wedersydse vertroue
  • As kinders vir ons beskore is om hulle groot te maak volgens God se Wil

Lindy von Benecke – Wat ons huwelik spesiaal maak is ons bereidwilligheid om ons verskillende persoonlikheidseienskappe te erken en daarvolgens aan te pas en sodoende te groei.  Kommunikasie is ook baie belangrik en ons laat nie toe dat ons kinders tussen ons kom nie, ons twee is al wat nou belangrik is.  Ons Waardes, sou ek se, Ons Here is deel van ons huwelik en ons werk vir mekaar na mekaar toe.

Karina Henrico da Silva is op 8 Februarie 2017 met Eddie in die huwelik bevestig.

Julie van der Merwe – Eerstens heg ons diep waardes aan ons Geloof en Godsdiens. Sonder die belangrike element in ‘n huwelik kan ons nie ‘n stewige fondasie vorm voort te bou nie.
Tweedens heg ons waardes aan ons gesin en gesinstyd om mekaar te help groei en om mekaar meer te waardeer en respekteur.
Ek glo dat ek en Johan soos ‘n puzzle perfek in mekaar inskakel. Ons leer van mekaar en vul mekaar op soveel vlakke aan. Hy het my op nuut geleer om die natuur te waardeer en hy het by my geleer om sport te geniet en waardeer.
Ons het sterk vertroue in mekaar en staan mekaar by deur goeie en moeilike tye.

Jean-mari is op 4 Maart 2017 met Stephan Beetge getroud.

Janine Vermeulen – ons het sterk Christelike waardes.  Ons glo in mekaar, ons glo in liefde, ons glo in vertroue, ons glo dat wat ookal oor ons pad mag kom, ons dit as man en vrou sal oorwin.  Ons glo in respek vir ons ouers, want ouers is kosbaar en onvervangbaar.

Van hier af verder is ons EEN en het ons een wonderlike toekoms wat wag.

Desery en Ralf Zeller is op 4 Maart 2017 getroud.

Daleen Labuschagne is op 26 Augustus 2017 met Johnny getroud.

Cheryl Maartens – Ons staan mekaar deur dik en dun by, baie respek vir mekaar, met goeie kommunikasie. Deel in ons lief en leed, vul mekaar se behoeftes aan . Ek en Brendon is albei natuur liefhebbers en baie na aan ons families. Hy is n sagte mens met n baie goeie hart en vreeslik liefdevol. Ons geniet elke oomlik saam met mekaar en pak graag n taak saam aan, wat die humor uitbring.

Charleen van Zyl – Ek persoonlik dink wat ons huwelik so spesiaal maak is omdat ons al twee weet wat ons in mekaar het en dat ons mekaar respekteer. Ons al twee kom uit vorige verhoudings wat baie moeilik was en dis asof dit ons sterker mense gemaak het, en dat ons nou weet wat ons in mekaar het.

Ons belofte aan mekaar is om nooit kwaad te gaan slaap nie want jy weet nooit of die ander een die volgende oggend gaan wakker word nie, mens moet mekaar waardeer en mekaar nooit ophou lief hê nie, die lewe is so kort en jy weet nooit wanneer dit jou tyd is om te gaan nie.

Ek kan nie genoeg dankie sê vir die Here dat hy so ‘n goeie man op my pad gesit het nie en selfs vir my dogtertjie ‘n tweede kans gegee om te kan besef dat daar ‘n Pappa is wat lief is vir haar nes sy is.

Bertha Phillips – Vir ons gaan dit oor hande vat en die pad saam stap. Twee hande in mekaar

DUIME – ONVOORWAARDELIKE respek vir mekaar – respek vir die Goddelike rol van die man en vrou binne die huwelik – dat die man die hoof is en dat die vrou gemaak is om sagter te wees.

WYSVINGERS: KONSEDERASIE – om mekaar se harte en behoeftes te konsedereer al is dit minder belangrike vir jou, maar belangrik is vir die ander persoon.

MIDDELVINGERS: KOMMUNIKASIE: om oor alles te kan praat – oor drome, seer goed, oor bang maak goed. Om regtig saam te kan lag en huil.

RINGVINGERS: VRYHEID: Om mekaar ruimte te gee vir “TO BE – just be who you were born to be”.

PINKIES: VERTROUE: Om mekaar se harte te bewaar – om die vertroue van die troubelofte te koester en niks te doen om dit te verwoes nie. Dis 2 hande wat in mekaar mekaar vou – vir ALTYD.

Annatjie en Gerrie Kruger is op 6 Mei 2017 in die huwelik bevestig.

Alicia Botes – Ons waardes as n man en vrou is om God eerste te stel, hoe nader ons aan Hom bewees hoe nader sal ons aan mekaar bewees.

Ek glo ons huwelik is spesiaal omdat ons mekaar se beste vriend is en dat ons weet ons liefde, hoop en waardes kom van ons Vader af.

Zurika en Ben Klopper is op 18 Maart 2017 getroud.

Zenda Goosen – Ons as getroude paartjie beskou ons huwelik as n heilige verbintenis. Ons ondersteun mekaar. Ons maak seker ons is daar vir mekaar tydens goeie dae, slegte dae en met alle uitdagings wat ons alleen of saam aanpak.

Baie belangrik is dat ons getrou is aan mekaar.

Ons huwelik is spesiaal omdat ons perfek bymekaar pas. Dit voel of ons mekaar al n leeftyd ken. Ons weet presies wanneer daar iets pla sonder om n woord te se. Ons aanvaar mekaar nes ons is en probeer nie om mekaar te verander nie. Soos die gesegde se ” I want to hold your hand when we are eighty years old and say that we have made it”….dit sal defnitief ons wees.

Yolanda Rademan – Ons glo op n strek Christelike fondasie in ons huwelik met n sterk liefdes band. Kommunikasie is vir ons baie belangrik. As ons n propleem het identifiseer ons dit en sien dit ook as n geleentheid om saam aan die huwelik te werk en gemeenskaplike hanteringstegnieke te vind. Ons glo aan die Bravo van die huwelik:

Begrip vir mekaar;

Respek vir mekaar;

Aanvaarding van mekaar;

Vertroue in mekaar;

Openhatigheid teenoor mekaar.

Carletonville HeraldParys GazettePotchefstroom HeraldSedibeng Ster
Top