Onskuldige kind dood tydens Sicelo-protesaksie

‘n Gesin van Sicelo is in rou gedompel na die dood van hul kind.

Inwoners van Sicelo het die afgelope twee dae die R59 met klippe en brandende bande versper met die hoop om terugvoering van LUR Paul Mashatile te ontvang oor die grond wat aan hul beloof is.

Ons veroordeel die huidige protesaksie aangesien dit gewelddadig is en kriminele meer skade veroorsaak en nou ook die verlies van ‘n onskuldige lewe. Betogers het geen reg om eiendom te beskadig of lede van die gemeenskap te intimideer nie. Die Suid-Afrikaanse Polisiediens en Openbare Orde Polisiëring word dringend versoek om op te tree,” lui die persverklaring.

Die Midvaal Plaaslike Munisipaliteit het egter begroot om Sicelo op te gradeer, maar kon nog nie voortgaan met die implementering van die verbeteringe nie.

Dit het ook aan die lig gekom dat buitelandse burgers aan die voorpunt met die protesaksie is.

“Hierdie selfverkose gemeenskapsleiers kan nie aanspraak maak om die gemeenskap te verteenwoordig as hul optrede lei tot die verlies van onskuldige lewens, intimidasie en misdaad nie.”

Die Midvaal Plaaslike Munisipaliteit vra die inwoners van Sicelo om saam te staan teen die selfverkose gemeenskapsleiers wat nie wettiglik aangestel is en ook nie die behoeftes van die gemeenskap van Sicelo in ag neem nie.

*Meer inligting sal volg

Latest News

COMMENTS

Carletonville HeraldParys GazettePotchefstroom HeraldSedibeng Ster
Top