Vrou die josie in na slaggat groot skade veroorsaak

Anette Mundell was gister omstreeks 16:30 op pad na haar huis  in Meyerton toe sy noodgedwonge deur een van die baie slaggate in Limpopostraat in Drie Riviere  moes ry.

“Gewoonlik ry ek in die aankomende verkeer se baan om die slaggat mis te ry, maar gister het ‘n ander voertuig vir ‘n ander slaggat uitgeswaai en in my baan gery. Ek kon dus nie anders as om deur dit te ry nie. Ek het egter probeer om die slaggat te mis,” sê sy.

 

 

Die slaggat waardeur Anette gery het.

 

Die linker voorwiel van haar Kia Picanto is daarmee heen en daar is ook krapmerke aan haar voertuig se modderskerm.

“Dit was nogal ‘n harde slag. Ek het so gou moontlik afgetrek en my versekering geskakel om my te help. Die vriendelike personeel van Vaal Auto Craft was vinnig daar en baie behulpsaam,” sê sy.

 

Die skade aan die wiel wat vervang moet word.

 

Latest News

COMMENTS

Carletonville HeraldParys GazettePotchefstroom HeraldSedibeng Ster
Top